الإنتخابات

موضوع: الإنتخابات الخميس ديسمبر 09, 2010 9:06 am

الإنتخابات

مش رايح الإنتخابات
مش معايا اجرة الموصلات
عملت لي إية البرلمانات
بتعالج في مستشفي حكومي بشوية مسكانات
ومعاشي والله مايغطي النفقات
وفي طابور العيش أهو الواد مات
والرجل الكبير في الطابور جالو تشنجات
اروح لية بقي الإنتخابات
واللحمة ماشوفنها من الشهر اللى فات
ده البرلمان مش لينا ده للناس البهاوات
اللي راكبين ياسلام شوية عربيات
هم عندهم شبابيك وبلكونات
وإحنا ياعيني عايشين في البدرومات
مش رايح الإنتخابات
مش شايفين في بلدنا غير الإعتقالات
واللى هيتكلم ملوش غير المعتقلات
يبقي اروح لية الإنتخابات
وأولادي أهم أخدوا الشهادات
وسنين من غيرشغل قاعدين زى الستات
ومش عارف حتي أجهز البنات
يبقي اروح ليه الإنتخابات
ونسأل النائب فين كلامك قبل الإنتخابات
يقولك ابوك السقامات
يبقي اروح ليه الإنتخابات
دا أنا من تالت يوم في الشهر بقول للبقال هات
علي النوتة شوية حاجات
وعايشين أنا والأسرة علي طول في أزمات
أصل المهية فيها كام جنيهات
يادوب الكهرباء والإيجار وأنابيب البوتاجازت
حتي الزراعة فيها مسرطانات
والمياة فيها كمان ملوثات
علي أيه أروح الإنتخابات
أنا حر أروح م أاروحشى دى حريات
ومن سنة إلي سنة نستنى العلاوات
وبعدها تغلي كل الحاجات
ومش ملاحقين ضرايب علي الدخل وضرايب العقارات
ياعينى والله العيال من سنين نفسها في شوية مكسرات
وقاعدين في بيوتنا يا إما ننام يا نتفرج علي المسسلاسات
أروح لية بقي الإنتخابات
وفي كل مكان حكومي فساد في فساد
لو سألت أى واحد يقولك هات
وبقيت حياتنا ماشية علي المحسوبيات
واللى عايشين في بلدنا لعيب الكورة والمغنى والرقصات
أروح لية بقي الإنتخابات
وآدى السور كمان وقع و اللى مات أهو مات
عشان ياعينى مافيش إهتمامات
أنا حر أروح ما أروحشى دية حريات
والأمن بيعاملنا زى الحيونات
تعالو شوفو كام شاب ياعينى مات
من الضرب والإهانات
ويقولو مات من المخدرات
عاوز مصر ترجع زي الزمن اللى فات
زمن جميل زمن الإنتصارات
كان الواحد بيمشي واثق من الخطوات
كلنا أيد واحدة وكلنا إخوات
ونمسح من كلامنا البيه والبشاوات
ده ربنا هو خالق الأرض والسماوات
ولما أحس إنه فية تغييرات
أنا أول واحد أروح الإنتخابات
علشان البرلمان بتاعى أنا مش بتاع البهوات