نتكلم مع بعض

موضوع: نتكلم مع بعض الأحد مايو 09, 2010 8:14 am

نتكلم مع بعض
""""""""""""""""
مرحلة قبل الخطوبة

:::::::::::::::::
الواحد يكون عايش زى العصفور الحر يعمل اللى عايزه مافيش شئ يمنعه يكون معاه فلوس كتير يصرف براحته زى ماهو عايز
"""""""""""""""""
بعد الخطوبة
::::::::::::::::::::
ههههه أولاً انا لسة خاطب وياريتنى ما خطبت كل يوم أصرف فوق 100 جنيه لبس لخطيبتى و صرف على أكلها وشربها وكل دا علشان خطبت انا مش قصدى كل البنات فيه بنات حلوة وفى زى خطيبتى مادية وبتحب الفلوس ومش عارف أسيبها ومش عارف احبها ومش عارف اكرهها وهى بتحبنى جداً انا مقدر ده بس ماعنديش شعور ناحيتها
؟؟؟؟؟؟؟؟؟؟؟؟؟؟؟؟
مرحلة الشبكة وبعد الشبكة
""""""""""""""""""""""""""""
لو سئلت نفسك وقلت ليه سموها شبكة شوف يا معلم شبكة علشان تتشبك وما تعرفش تهرب ومش كدة وبس أنت لازم تدفع مهر لا وكمان لازم يكون عندك شقة وعربية شاهين وبتشتغل فى الكويت ولازم مراتك تلبس كل ساعة طقم طب ليه كدة فيه حاجة إسمها ترشيد نوفر شوية وغير الشبكة ما الفلوس كتير حاجة تجنن
::::::::::::::::::::::::

بعد الشبكة

العب يا معلم كل يوم عزومة حاجة معروفة لازم تجيب لمراتك تليفون محمول وما يكونش صينى يكون N97 مش أقل من كده ولازم تجيب لأصحابها هدية كدة وإلا تشوف العين الحمرا وعليك نص الجهاز وساعات بيكون كله ,السيما كل فيلم ينزل لازم تغرم وتروح تشوفه كدة وإلا العين الحمرا ,الأعياد وصلنا مرحلة الأعياد كل عيد لازم تديها رنة قبل صلاة العيد تعرفها أنت رايح فين وبعد صلاة العيد تعرفها أنك خلصت وتروح تقف قدام بيتها لحد لما تلبس وتتفسح وتروح الملاهى ومابيكونش معاها ولا شلن أنت اللى تدفع وطول ايام العيد دفع دفع, وشم النسيم تتصل بيك تقولك شميت النسيم يا حبيبى تقولها لا تقولك حضر ايديك على 1000 جنيه علشان نشمه مع بعض

مرحلة كتب الكتاب والدخلة
"""""""""""""""""""""
المرحلة دى لازم توريها العين الحمرا لاحسن تركب وتدلدل رجليها إسمع كلامى آسف أنا نسيت حاجة فيه حاجة إسمها القائمة انا حضرت كذا قائمة بص يا سيدى والد العروسة يقعد على كرسى رجل على رجل وأنت جانبه وتفتكر كل حاجة مثلا العروسة جابت 20 مشبك لو مشبك ناقص تشترى عشرين دا شرط
فاكر اللبس اللى أنت جيبته دا مش تبع القائمة
القائمة ليها لبس تانى أنت لازم تسرق عشان تعرف تتجوز اليومين دول
::::::::::::::::::::::
احلى مرحلة واخر مرحلة مرحلة البيت السعيد ليلة الدخلة كله عارف بيعمل ايه شهر العسل لازم يكون فى شرم الشيخ أو الغردقة غير كدة هتسيب البيت وفيه هدية الجواز وهدية شهر العسل أستنى اصحابها لما يحضروا لازم تشترى حاجة نظيفة علشان تبان إنها عايشة عيشة فل تروح حضرتك أغلى سوبر ماركت تشترى أغلى حاجة

انا بنصح بالجواز اليومين دول لاحسن بيقولوا بعد كدة العريس هيدفع ضريبة على العروسة